影片
更多
2018-10-18
367 瀏覽
有日在youtube睇到段片是介紹風箏的，原來香港還有好地方放風箏，同埋，仲有地方賣風箏，地點就喺界限街 “志成”。今晚就的起心肝去了 “志成”，買了兩隻大嘢，諗住周末去放風箏。老闆仲醒了幾招如何放得好添。買完嘢，就拿著戰利品到附近食埋飯先返屋企。見到呢間餐廳外牆咁啱有青天白雲，啱晒我想放風箏嘅feel，門外仲有個旋轉木馬小擺設，無辦法，被吸引了，就係咁，入咗去食晚餐。坐低就見到個吊櫃貼咗好多相片，好利害!呢度啲侍應好殷勤，又會推介餐廳招牌菜。就係咁，我就叫咗【香脆豬手配燒汁】set dinner，跟埋沙律、餐湯、餐飲和甜品，都只係 $168，幾抵食。【田園沙律】、【西蘭花忌廉湯】沙律菜新鮮，最欣想佢係加咗日式麻醬沙律汁，所以好滋味。平時啲是日餐湯多數係羅宋湯或蘑菇忌廉湯，比較悶。呢個西蘭花忌廉湯反而有啲新鮮感，湯裡面仲有好多西蘭花蓉，都幾好味。【香脆豬手配燒汁】隻豬手大到不得了。層皮脆卜卜。侍應姐姐溫馨提示: 記住反轉嚟切，會易切啲。外皮脆，肉質腍嫩，有肉汁，又入味。薯蓉綿綿滑滑，跟脆豬手形成強烈對比，呢個配搭比起用炸薯條做配菜更好。即磨咖啡幾香濃，餐後飲可以醒一醒神。最後係食雪糕做
買完嘢，就拿著戰利品到附近食埋飯先返屋企。
見到呢間餐廳外牆咁啱有青天白雲，啱晒我想放風箏嘅feel，門外仲有個旋轉木馬小擺設，無辦法，被吸引了，就係咁，入咗去食晚餐。
坐低就見到個吊櫃貼咗好多相片，好利害!
呢度啲侍應好殷勤，又會推介餐廳招牌菜。
就係咁，我就叫咗【香脆豬手配燒汁】set dinner，跟埋沙律、餐湯、餐飲和甜品，都只係 $168，幾抵食。
【田園沙律】、【西蘭花忌廉湯】
沙律菜新鮮，最欣想佢係加咗日式麻醬沙律汁，所以好滋味。
平時啲是日餐湯多數係羅宋湯或蘑菇忌廉湯，比較悶。呢個西蘭花忌廉湯反而有啲新鮮感，湯裡面仲有好多西蘭花蓉，都幾好味。
【香脆豬手配燒汁】
香脆豬手配燒汁
13 瀏覽
0 讚好
0 留言
隻豬手大到不得了。層皮脆卜卜。侍應姐姐溫馨提示: 記住反轉嚟切，會易切啲。
外皮脆，肉質腍嫩，有肉汁，又入味。
薯蓉綿綿滑滑，跟脆豬手形成強烈對比，呢個配搭比起用炸薯條做配菜更好。即磨咖啡幾香濃，餐後飲可以醒一醒神。
最後係食雪糕做餐後甜品，帶有椰子雲呢拿味，清清哋，幾好呀!
張貼
