隠家拉麵工場 (已結業)

位於西九龍中心的隱家拉麵工場絕對係隱世小店，隱藏係蘋果商場7樓最盡頭，門口並無大肆宣傳自家店家，甚至連招牌亦看不到，如果對西九龍中心並不認識既朋友未必容易找到這家麵店門口旁邊放著一台自動販賣機，形式似足係日本既拉麵店一樣，入錢揀想要既麵就會出飛，而麵既款式亦唔多，同埋如果想加大麵底既就記得入去同店員講，係免費既～一入到去個裝修好似舊日日式風格，令人感覺似置身日本咁，而牆壁上都有教學教你點食沾麵同加湯，亦有提供檸檬水比你自己斟。等左一陣就上左個沾麵啦，今次就揀左隱世白伝（$79）呢款，首先要讚既就係個沾麵汁好夠熱，有時出街食沾麵最怕個沾麵汁只係暖既溫度，呢度就唔怕啦。首先將沾麵汁撈均，先發現原來係有隻溏心蛋係入面，但係比啲汁完全覆蓋左，唔撈均都唔知～至於個沾麵汁既味道都唔錯，食落唔算太鹹，同埋食到落底發現有啲柚子，個感覺幾清新，至於個麵係幼麵黎，個人就覺得幼麵既掛湯力比較不足，若然佢係有坑紋既粗麵就比較岩我既口味啦～同埋食完個麵都可以叫店員幫你加湯，加左湯既沾麵汁又有另一番風味～總結呢間店舖係屬於十分隱世果款既小店，若然你係鐘意周圍發掘小店既話係值得一試👍🏻