建榮特色桑拿菜火鍋店

營業中

休息中

係人都知屯門有好多大排檔，但係而家嘅大排檔今時吾同往日啦，都可以做到好新穎。環境闊落，感覺乾淨，估唔到今時今日嘅大排檔可以做到咁，今日嚟到屯門嘅工廠感受一下大排擋既風味。辣子炸大腸，炸至脆卜卜既大腸，食落口充滿層次，外脆內軟，配上一啲類似避風塘既炒法，辣辣地好惹味。黑椒茄子牛柳煲，走過油既茄子，伴上黑椒味，感覺新鮮，牛柳入口軟滑，配上洋蔥，味道更夾。椒絲腐乳通菜，果然夠鑊氣，充滿腐乳味得來又唔會好鹹，喺屋企真係難得一食嘅味道。鹹蛋黃炸鮮尤，外層係濃濃嘅鹹蛋黃香味，新鮮炸起，入口脆身，內裏包着鮮味十足既魷魚，就算高膽固醇都唔理得咁多啦，不可錯過的美食。