沙嗲王 (已結業)

又出動搵食，無心插柳, 本來唔諗住去呢間，因為今日人多（5位）無位，所以行黎食左沙嗲王~首先有EVA主題，有啲EVA既特式套餐，但當然吸引唔到我，因為呢啲通常都伏多。。。好直接入主題先:咸蛋王雞亦好食既，唔太咸，好香，雞亦既肉都好厚，炸粉唔厚，好高分。白咖哩豬排飯食左咁多年，都保持到水準，係不二之選，有時會想食沙嗲王，都係明顯因為佢。冬陰功海鮮烏冬試下樣新野啦～又不能太悶既湯底可以，海鮮既份量抵讚，當然同專門食呢啲既仲有好大距離啦！鐵板巨雞髀我就第一次食，其實唔錯，做到皮脆肉滑，件肉都算大件，有樣都有內涵。炒生菜開始求其喇，可能睇到開始多人，廚房冧檔掛😂好細碟，好多油，不過唔係老婆要食，點都唔會叫🤣芝士年糕戲肉黎喇，等左好耐，我諗佢炸到唔記得左，黑哂。。。仲聞到燶味。。。由於等得太耐都飽左，跟手叫侍應幫我收左佢，食唔到，改返單。