京都

營業中

休息中

是晚要飛凌晨, 未有耐有飛機餐食, 所以都係响度打個底先~今次叫兩個烏冬同一個壽司, 食完都唔會太飽, 剛剛好~ 左口魚邊壽司呢款壽司係逐件計的, 其實都唔平, 不過好彩味道都唔錯, 好新鮮, 炙燒得香香地, 個汁又甜甜地~ 豬軟骨烏冬上次試過味道都唔錯, 今次試下豬骨湯去配返豬軟骨, 其實個豬軟骨湯味道都唔係好濃, 要食濃味的人就會覺得佢冇味, 不過對於我地呢D食慣淡口嘢, 又覺得OK唔錯, 豬軟骨依然係林到透明, 唔駛點咬就得, 烏冬今次正常返, 冇上次咁林~ 叉燒烏冬食開其他餐廳都係好肥的, 但佢呢度非常啱我, 一D都唔肥, 而且又夠林, 最正就係佢比出面果D厚切, 夠哂口感, 林厚瘦正中我地口味, 再配埋淡淡地的豬骨湯底, 簡直啱哂~