意味 (已結業)

(5/9/08)與好朋友生日聚,廣告效應,好朋友選左呢度。鋪外環境不錯。侍應有成十個以上侍應,收碟好快手。自助的東西比想像中好,凍蝦鮮甜,最欣賞佢d沙津醬汁,有蜂蜜乳酪、香芒咖哩、海撒沙津汁,任撈。甜品bar,最好食是朱古力芝士蛋糕,朱古力味重,芝士蛋糕軟身,不會太乾,還有啫哩糖,好濃味,沒被溝稀/淡。椰汁黑糯米露,料多,而且甜味由自己調較。麵包布甸就差d喇,凍凍的,&太乾身。主菜方面:美國安格斯肉眼扒伴田螺干邑酒汁$148,小店來說,都幾好味,牛扒好juicy,又唔韌,點埋干邑汁,好食過點介辣~而田螺,都算甜美。燒黑椒吞拿魚柳扒大蝦伴烤玉米餅配芒果莎莎$138,好難食,o係香港,好難食到好的吞拿魚,加上佢半生熟咁,又鞋又酸。至於那烤玉米餅…..都唔知落左咩糕粉,好似擦紙膠咁。牛油扒波士頓龍蝦拚串燒$128,食到呢度,發覺佢既蝦類係幾鮮咕喎。仲有串燒同先前的肉眼扒,都好好食。西班牙鑊仔海鮮飯,賣相/材料好豐富,而且飯有海鮮味,可惜飯太乾身,同埋份量少黏鑊,全程o趙飯焦,好累。