影片
更多
2023-03-09
336 瀏覽
刕舙馫麵館🍜🍲一望到呢間餐廳個名就覺得應該係有邊讀邊！所以應該叫刀舌香😂😂 講笑咋～我哋問咗老闆，舖頭名嘅讀音應該係［黎華馨］💁🏻♀️係一間賣正宗山西刀削麵嘅舖頭！麻辣豬耳仔👂🏻（細）$15鹵水豬耳，味道岩岩好，面爽內脆，再加埋出色既麻辣汁，毫無油膩感，食幾多都無問題！👍🏻炸雞翼🐓（五隻）$35雞翼新鮮即炸，熱辣辣脆卜卜，雞肉亦都醃得好入味，配埋刀削麵一齊食就最好不過啦！👍🏻💓麻辣肥牛豬扒刀削麵 🐮🐷$57呢度嘅刀削麵，我哋真係力推！首先講咗麵底先，偏向粗身，煙靭有咬口，份量亦都好多，絕對係抵食之選！🥰🥰跟住就要講吓佢哋個辣油，有兩款嘅，一個係秘製辣椒醬，一個係魔鬼辣🌶️🌶️大家可以跟返自己食辣嘅程度去揀～呢隻辣椒醬特別香口，辣味其實唔算太重，反而有麻香味～上枱嘅時候碗麵係清湯既，要食幾辣落幾多辣椒醬都可以由自己決定！咁就唔怕會太辣啦～ 💓👍🏻🌶️🌶️🌶️呢個辣椒醬十級推介！🌶️🌶️🌶️肥牛配埋辣椒醬食非常惹味，豬扒就煎到金黃色好香脆！👍🏻💓麻辣口水雞刀削麵 🐔$53呢度嘅口水雞都好特別㗎，上碟嘅時候暖暖地，上面嘅花生份量好多，亦都都好好食！😋口水雞非常入味，就算係食雞胸都係嫩滑既，辣油入面仲有勁多芝
一望到呢間餐廳個名就覺得應該係有邊讀邊！所以應該叫刀舌香😂😂 講笑咋～我哋問咗老闆，舖頭名嘅讀音應該係［黎華馨］💁🏻♀️係一間賣正宗山西刀削麵嘅舖頭！
麻辣豬耳仔👂🏻（細）$15
鹵水豬耳，味道岩岩好，面爽內脆，再加埋出色既麻辣汁，毫無油膩感，食幾多都無問題！👍🏻
炸雞翼🐓（五隻）$35
雞翼新鮮即炸，熱辣辣脆卜卜，雞肉亦都醃得好入味，配埋刀削麵一齊食就最好不過啦！👍🏻💓
麻辣肥牛豬扒刀削麵 🐮🐷$57
呢度嘅刀削麵，我哋真係力推！首先講咗麵底先，偏向粗身，煙靭有咬口，份量亦都好多，絕對係抵食之選！🥰🥰跟住就要講吓佢哋個辣油，有兩款嘅，一個係秘製辣椒醬，一個係魔鬼辣🌶️🌶️大家可以跟返自己食辣嘅程度去揀～呢隻辣椒醬特別香口，辣味其實唔算太重，反而有麻香味～上枱嘅時候碗麵係清湯既，要食幾辣落幾多辣椒醬都可以由自己決定！咁就唔怕會太辣啦～ 💓👍🏻🌶️🌶️🌶️呢個辣椒醬十級推介！🌶️🌶️🌶️肥牛配埋辣椒醬食非常惹味，豬扒就煎到金黃色好香脆！👍🏻💓
麻辣口水雞刀削麵 🐔$53
呢度嘅口水雞都好特別㗎，上碟嘅時候暖暖地，上面嘅花生份量好多，亦都都好好食！😋口水雞非常入味，就算係食雞胸都係嫩滑既，辣油入面仲有勁多芝麻同埋其他香料，難怪咁好食！🤤🤤要講埋下面嘅青瓜伴碟，青瓜處於半熟嘅狀態，可以吸到辣油嘅香味！總之呢碟口水雞就係成碟都非常出色‼️推介‼️
凍豆漿🥛（跟餐）$8
食辣嘢又點可以唔配豆漿呢！呢度嘅豆漿甜度唔會好高，都幾啱香港人嘅口味！建議大家叫麵嘅時候，一次過跟餐嗌，會平啲㗎！
麻辣豬耳仔
$15
3 瀏覽
0 讚好
0 留言
麻辣肥牛豬扒刀削麵
$57
4 瀏覽
0 讚好
0 留言
麻辣肥牛豬扒刀削麵
$57
6 瀏覽
0 讚好
0 留言
麻辣口水雞刀削麵
$53
4 瀏覽
0 讚好
0 留言
麻辣口水雞刀削麵
6 瀏覽
0 讚好
0 留言
炸雞翼
$35
12 瀏覽
0 讚好
0 留言
張貼
