和田便當 (已結業)

復工後又開始中午要買外賣飯盒的生活，而外賣的人手接觸越少越安全，所以近期都去買「和田便當」，餐牌星期一至五每日更新，所以不會吃膩。自助形式，要八達通付款然後飯盒就會自動送到取餐機口，全程都無其他人接觸過你個飯盒，夠晒安全，而且飯盒夠熱，即時回公司吃也不用翻叮加熱。飯盒內有西蘭花、帶甜味的年藕漬物、黃瓜漬物、車厘茄、甜蛋。米飯用上日本珍珠米有口感。《鹽蔥三文魚餐 $66》這款三文魚親第一次見，應該是新品，當然率先試試！ 三文魚嫩滑無腥味，有蛋圍邊，用鹽蔥調味又不會太咸，加上蔥香惹味而不油膩，飯上有七味粉，帶少少辣幾惹味，三文魚亦夠健康，不錯。《日式漢堡扒餐 $58》漢堡扒算厚身，食落有肉味同肉汁，加了照燒汁好提味。有炒野菜平衡肉感，好飽肚。下次又再試其他菜式。