Marine Seafood Bar & More (已結業)

呢間餐廳午市主菜跟免費自助沙律吧，食物會不時轉款，當日有南瓜湯，仲有多款西方蔬菜、火腿、薯仔、通粉，配各種醬汁及麵包粒，味道都唔錯。😊不過要注意中午時段餐廳都多客，想享受沙律吧最完整、最豐富嘅時候，就最好早啲嚟到，我哋今次中午12點過啲就嚟到，成為咗當日第一個享用午市沙律吧嘅客人。😄🎉沙律吧選擇多，水準穩，主菜方面，就要揀擇啲喇。當中個卡邦尼意粉值得一讚，好濃芝士香，麵質硬度同粗幼度剛剛好，煙煙韌韌。👍🏻至於鴨胸黑醋意大利飯，重點喺個鴨胸度，個皮燒到焦香，啲肉嘅鴨味都幾出，唔會有雪藏味，不過個意大利飯就有略嫌酸得濟。