船皇 (大埔超級城) (已結業)

之前已經同老公食過呢間泰國菜 今日實在太攰唔得閒煮餸 所以就想落樓下求求其其食啲嘢就算😹我地兩個人叫左一個香葉肉碎飯同一個船皇湯麵 肉碎分量非常多 加多一隻煎蛋 用嚟撈飯真係一流 基本上我食晒成碗飯🤣船皇湯麵湯底非常濃 帶有少少辣 我地仲叫左一碟通菜 都係加十幾蚊食泰國菜就一定要叫串燒啦 叫咗三串沙嗲雞肉 牛肋條同牛舌 非常juicy 特別係牛舌 都幾厚大 上次黎食都冇見到有甜品食 今次見到有芒果糯米飯 所以就叫左黎試下 原來係大埔限大 芒果幾新鮮 唔夠飽嘅朋友可以不妨試下