影片
更多
2018-12-11
923 瀏覽
呢輛鼎爺動作多多，睇大台，知道佢開咗自己的餐廳菜館，又上深夜食堂推介菜式，又上Big Big Channel推介菜刀，下星期，仲會有新一輯教煮餸節目，真係佩服佢嘅魄力。近日天氣凍咗好多，是時候打邊爐了。記得佢之前介紹過楊屋道街市啲鯇魚、鯪魚好得，所以，今日走去入貨。之後，經過大屋街，見到有間拉麵店好特別，特別之處係佢擺咗部自助售賣機出嚟，似足日本嗰啲，同樣都係只收現金。一向都係拉麵迷嘅我，當然要試玩下，幫襯下啦。操作好簡單，跟指示，按下想食的拉麵和飲品，畫面就會顯示出來，之後入錢，就會出飛。呢個點餐方法，相比起一啲拉麵店仲用緊剔紙仔較環保。有樣嘢想提嘅係，因為部自助售賣機係放係升高咗於路駁之上，高過行人路好幾吋，生得矮啲，會好難睇清楚個顯示屏，除非企上個駁位買飛啦。希望拉麵店諗諗佢。然後入去拉麵店，搵位坐。店子係簡樸日式style，時近聖誕節，所以，多了很多聖誕裝飾。飲品買了蘋果梳打和白提子梳打。味道完全係喺日本飲開嗰啲。以後唔使去得咁密了。黑蒜香油好香，好醒神。筍乾超正。麵質亦唔錯。有好多櫻花蝦乾鋪喺拉麵之上。蝦乾應該經烘過，所以零捨香。溫泉蛋係流心的，好好食。叉燒都好有水準，入口就
近日天氣凍咗好多，是時候打邊爐了。記得佢之前介紹過楊屋道街市啲鯇魚、鯪魚好得，所以，今日走去入貨。之後，經過大屋街，見到有間拉麵店好特別，特別之處係佢擺咗部自助售賣機出嚟，似足日本嗰啲，同樣都係只收現金。
一向都係拉麵迷嘅我，當然要試玩下，幫襯下啦。
操作好簡單，跟指示，按下想食的拉麵和飲品，畫面就會顯示出來，之後入錢，就會出飛。呢個點餐方法，相比起一啲拉麵店仲用緊剔紙仔較環保。
有樣嘢想提嘅係，因為部自助售賣機係放係升高咗於路駁之上，高過行人路好幾吋，生得矮啲，會好難睇清楚個顯示屏，除非企上個駁位買飛啦。希望拉麵店諗諗佢。
然後入去拉麵店，搵位坐。店子係簡樸日式style，時近聖誕節，所以，多了很多聖誕裝飾。
飲品買了蘋果梳打和白提子梳打。味道完全係喺日本飲開嗰啲。以後唔使去得咁密了。
[黑蒜拉麵]
黑蒜香油好香，好醒神。筍乾超正。麵質亦唔錯。
[櫻花蝦拉麵]
有好多櫻花蝦乾鋪喺拉麵之上。蝦乾應該經烘過，所以零捨香。
溫泉蛋係流心的，好好食。
叉燒都好有水準，入口就溶化，good job!
張貼
