燉 (英皇道) (已結業)

今日嚟個 late lunch, 聽聞 12點開始都要排長龍，所以就拖到午飯市過後先去打咭，點知都係咁多人，原本想試的椰皇燉雞湯仲賣哂添。。。後來叫左個黑邊鮑燉雞湯再加埋梅菜扣肉飯，講下個黑邊鮑燉雞湯，配料係足夠架，兩個人share 一盅剛剛好，因為要留肚食鮑去飲珍珠奶茶，由於湯冇落調味，所以落單時，店員都會提醒人客人要自行落鹽，好貼心架服務呀！個豬手飯有驚喜wow, 豬手炆得啱啱好，不太淋，不太硬，而且非常粘口，感覺自己補充左好多骨膠原咁，38蚊，實在係抵。個白鱔就貴少少，要78蚊。注意事項: 店舖只收八達通和現金。