影片
更多
2022-07-21
1167 瀏覽
近年越嚟越多人選擇食素，所以素食餐廳亦越開越多，最近就同朋友幫襯左呢間新開嘅「心裡有素」。餐廳位於廣華街，主打素食自助餐，全店素食不含五辛，而且定價相當親民，星期日至四，午餐時段只係 $78 就有交易，性價比極高！呢度嘅自助餐提供約數十款素食，而且種類都幾多，除左粥粉麵飯、番薯粟米等主糧之外，仲有涼菜、沙律、炸物、熱食同飲品等。涼菜區有麻醬青瓜冷麵、麻辣涼皮、甜酸淮山、桂花蜜蜜糖蕃茄等，可以自製一碟雜錦涼拌，入口清涼爽口，開胃又養生。沙律吧有粟米粒、沙律菜、西瓜、車厘茄、哈密瓜和牛油果等，選擇非常之多。沙律菜好新鮮，牛油果軟滑 Creamy，配上酸酸甜甜的沙律醬，味道好清新。炸物有椒鹽金針菇、椒鹽茶樹菇、番薯天婦羅、南瓜天婦羅，幾款水準都唔錯，脆漿上得夠薄，不油不膩，非常香口。熱食區有蜜糖豆炒藕片、椰菜花、炆茄子、豆腐、涼瓜、蕃茄炒蛋、羅漢齋、蒸水蛋等，所有嘅菜式都新鮮即製，熱辣辣，少鹽少油，夠晒健康。另外呢款以合桃取代豬肉炮製而成嘅咕嚕肉，亦非常美味，香脆可口又唔油膩。至於湯水方面，呢款姬松茸山珍野菌湯亦絕對值俾個 Like，雖然係素清湯，但食得出菇菌散發出嚟嘅香味，很不錯！飲品方面
近年越嚟越多人選擇食素，所以素食餐廳亦越開越多，最近就同朋友幫襯左呢間新開嘅「心裡有素」。
餐廳位於廣華街，主打素食自助餐，全店素食不含五辛，而且定價相當親民，星期日至四，午餐時段只係 $78 就有交易，性價比極高！
呢度嘅自助餐提供約數十款素食，而且種類都幾多，除左粥粉麵飯、番薯粟米等主糧之外，仲有涼菜、沙律、炸物、熱食同飲品等。
涼菜區有麻醬青瓜冷麵、麻辣涼皮、甜酸淮山、桂花蜜蜜糖蕃茄等，可以自製一碟雜錦涼拌，入口清涼爽口，開胃又養生。
沙律吧有粟米粒、沙律菜、西瓜、車厘茄、哈密瓜和牛油果等，選擇非常之多。沙律菜好新鮮，牛油果軟滑 Creamy，配上酸酸甜甜的沙律醬，味道好清新。
炸物有椒鹽金針菇、椒鹽茶樹菇、番薯天婦羅、南瓜天婦羅，幾款水準都唔錯，脆漿上得夠薄，不油不膩，非常香口。
熱食區有蜜糖豆炒藕片、椰菜花、炆茄子、豆腐、涼瓜、蕃茄炒蛋、羅漢齋、蒸水蛋等，所有嘅菜式都新鮮即製，熱辣辣，少鹽少油，夠晒健康。
另外呢款以合桃取代豬肉炮製而成嘅咕嚕肉，亦非常美味，香脆可口又唔油膩。
至於湯水方面，呢款姬松茸山珍野菌湯亦絕對值俾個 Like，雖然係素清湯，但食得出菇菌散發出嚟嘅香味，很不錯！
飲品方面，熱飲有茉莉綠茶、陳皮普洱茶，而凍飲就有檸檬薏米水同紅棗羅漢果水。薏米水好滋潤，味道唔太甜，飲完好舒服。
即場入會更會有甜品贈送，咁抵，當然唔可以錯過。呢日嘅甜品係焦糖燉蛋同燉奶，每款要左一份。燉蛋很嫩滑，面層嘅焦糖脆卜卜，味道不過甜。燉奶用上 4.3 牛乳製作，口感好滑溜，奶味香濃。
張貼
