金記冰室 (康怡廣場北座)

營業中

休息中

疫情關係已經有一段時間沒有外出食飯，上星期奶奶不用打麻雀，就約我倆公婆外出食飯聚一聚。餐廳以自動落單既方法，好方便又可以減少與職員接觸，我地叫左兩小餸加一客晚餐，份量好足。家鄉鹽焗雞 $115叫左半隻鹽焗雞，雞肥厚肉，皮軟肉嫩，香濃美味而不油膩。新鮮菠蘿生炒骨 $75天氣悶熱，叫生炒骨最好不過，酸酸甜甜好醒胃，酸甜醬味道剛好， 骨肉質外脆內軟，配料三色椒和菠蘿均沾滿醬，好美味。XO醬西蘭花炒海蝦球配白飯 $82 家常菜一家大細都岩食，西蘭花炒得剛好，好脆口，海蝦夠大隻配上XO 醬好惹味。