Marco's buffet (已結業)

從openirce見到葵涌有新食點！而且仲係酒店自助餐！酒店外圍佈置得幾靚 對比身旁既舊區 有沙漠綠洲既感覺～酒店自助餐黎講 價錢相當便宜同吸引！雖然食六點 但已見有數枱食客係到了！好多篇食評都話必食即製意粉同薄餅 所以二話不說先試呢兩款 廚師即席煮完意粉後 就會將意粉倒落巨型芝士上撈！食落完全有'剛好'既感覺 而且味道濃郁 果然係必試！薄餅賣相雖然一般 但勝在餅底夠脆薄另一款令我有驚喜既係牛扒！好多自助餐既牛扒賣相雖好看 但食落超靭 但呢款係肉質鮮嫰 牛味濃 賣相與味道都有 絕對要encore!而家仲每枱送焗龍蝦 唔好睇少 都幾多肉個人認為自助餐另一賣點就係中湯是日係椰子煲雞！椰子味超濃郁 而且清潤 一定要試