海景咖啡廊

營業中

休息中

週日和家人到海景嘉福酒店海景咖啡廊享用自助午餐，首次到訪，餐廳環境一般喇，擺位略迫。服務方面，整體印象亦只是一般水準。不過計及食物多樣化及質素，加上會員咭(七五折；最多十二人)及信用卡優惠(八折)，感覺都算抵食。午餐有澳洲生蠔供應，體積略瘦小，海水鹹香度中度，口感滑身，蠔肉鮮香合預期。魚生刺身有五六款，鮮度對辦；壽司同樣有數款，未曾品嚐。凍海鮮有長蟹腳、翡翠螺、青口、小龍蝦及海蝦等等，品種算多，長蟹腳及青口比預期鮮甜肥美。沙律菜有兩三款，算上鮮爽，另有薯仔沙津及吞拿魚沙津等選擇。其餘冷盤以煙三文魚及開心果火腿為較有水準之作。熱食方面，有粥粉麵檔、意粉檔、點心檔、燒烤檔等等，加上其他熱盤，選擇不少。當中以燒烤檔較吸引小弟，燒雞烤羊架都幾美味，豬肋骨腍身OK，燒牛肉亦算多汁味濃。辣酒煮螺夠惹味亦可一試。甜品普遍賣相精緻，並富水準，有胃納的話可試多一兩款小蛋糕甜品。餐廳另有雪糕供應，口感幾滑亦可試試。