Hero's Friday (已結業)

呢間Hero's Friday 有幾間分店，佢主打外賣漢堡餐，佢特別既地方係佢地自創apps可以登記做會員，儲分，提前落單同下載迎新優惠，如果係佢地忠實fans就用apps有多啲著數，唔想喺門口等咁耐都可以用提前落單呢個功能。佢有單人餐或多人餐優惠，平均$60-$80一個餐，包一個漢堡+一個小食同一罐汽水。小食有薯條，炸洋蔥圈或牛油粟米。今日我點左一個雙層芝士漢堡餐同埋神盾漢堡餐，特別推介神盾漢堡，佢入面材料好豐富，有芝士煙肉漢堡牛扒仲有成大塊薯餅，份量十足，佢即叫即製，漢堡牛扒好juicy,同埋好中意佢個BBQ醬，甜甜酸酸幾好味。仲有，佢杯牛油粟米都超大杯。