一芳台灣水果茶 (已結業)

九點黎到都仲未收舖，心大心細要不要試下。見佢鋪天蓋地咁宣傳話係台灣過江龍，水果茶嘅Number one，好似好巴閉咁，橫掂黎到都係試下佢啦。條龍咁長都心知不妙，估唔到排隊落單都排左15分鐘，排到去所有茶品都差唔多賣清，但排左咁耐又無理由唔飲，係無得揀嘅情況下要左翡翠鮮奶（大杯）。翡翠鮮奶（$29）拎上手都真係幾大杯，但冰呢？得三、兩粒完全唔凍，返轉頭問下店員，原來冰用哂，呢杯係最後一杯凍飲，之後只賣熱飲……其實無冰可以講聲，我買熱飲都可以㗎，真係嬲左，一杯唔熱唔凍嘅室溫奶茶。至於味道方面，都係失望嘅，可能係茶都賣哂，所以杯野係無茶味，得奶味，我飲緊一杯奶水……PS。因為咩都賣哂，諗緊揀咩好之時，店員友善提醒好多人排隊，唔買就企埋一邊啦～THX。