Coffee 101

營業中

休息中

上星期突然想重拾青春，走咗去行山。行完之後有啲肚餓，所以就喺北角賽西湖附近搵嘢食，然後就比我發現左呢間Cafe。都係我成日講果句：亂入有驚喜。間cafe幾有格調，位於半山，環境寬敞，空氣清新，非常寧靜。餐牌都非常簡單，寫晒上牆。早餐選擇唔係太多，不過貴精不貴多。我㨂左all day breakfast delux。有煙肉、番茄、菇、腸、炒蛋、番茄豆、煙肉、多士。煙肉煎得好乾好脆，我自己口味就prefer唔使太乾身。美中不足係食物上菜個陣凍左，可能早得濟，得一個人，所以做唔切。咖啡質素幾好，都有拉簡單花。夠踏實。不過老實講，唔係住呢頭、係呢頭讀書、或者行山，其實真係唔會上黎食。