影片
更多
2021-05-01
549 瀏覽
近年愈多愈酒店出staycation，朋友仔反而會睇下有咩酒店餐廳好食，今次就揀銅鑼灣酒店嘅意大利餐廳食個Lunch。其實平時搵食真係好少行到近跑馬地果邊嘅銅鑼灣，所以本身都唔知呢度有新餐廳。餐廳本身喺皇冠假日酒店裡面，門口已經見到係走優雅風，裡面環境舒適，好有空間感，唔會想做多啲生意而放多啲檯。可惜坐唔到梳化或靠窗位置，果邊影相一定再靚啲。Menu有時2至4個course選擇。率先上檯嘅係一盤麵包，麵包控朋友見到雙眼發光，三款分別係圓圓嘅酸種麵包、長長嘅Grissini、及脆脆嘅薄片， 酸種麵包真係好好味上檯時熱辣辣仲冒煙，外皮焦脆，內裡保持到濕潤，蘸埋充滿橄欖香嘅橄欖油，一個都真係唔夠兩個人分。Fresh Burrata Cheese芝士控揀芝士棄帶子，Burrata Cheese以水牛芝士加忌廉做成，奶香出眾不油不膩，伴以甜美的小番茄同回甘火箭菜，好fresh好清新，係適合夏天嘅開胃菜。Roasted Scallop 想濃味少少可以揀帶子，面層係48個月嘅黑毛豬火腿，滿滿鹹香味兼充滿油份，帶子鮮甜軟嫩，兩種唔同味道竟然好夾。Hirame Flounder菜式賣相精緻，增加打卡度。
近年愈多愈酒店出staycation，朋友仔反而會睇下有咩酒店餐廳好食，今次就揀銅鑼灣酒店嘅意大利餐廳食個Lunch。其實平時搵食真係好少行到近跑馬地果邊嘅銅鑼灣，所以本身都唔知呢度有新餐廳。餐廳本身喺皇冠假日酒店裡面，門口已經見到係走優雅風，裡面環境舒適，好有空間感，唔會想做多啲生意而放多啲檯。可惜坐唔到梳化或靠窗位置，果邊影相一定再靚啲。
Menu有時2至4個course選擇。
率先上檯嘅係一盤麵包，麵包控朋友見到雙眼發光，三款分別係圓圓嘅酸種麵包、長長嘅Grissini、及脆脆嘅薄片， 酸種麵包真係好好味上檯時熱辣辣仲冒煙，外皮焦脆，內裡保持到濕潤，蘸埋充滿橄欖香嘅橄欖油，一個都真係唔夠兩個人分。
Fresh Burrata Cheese芝士控揀芝士棄帶子，Burrata Cheese以水牛芝士加忌廉做成，奶香出眾不油不膩，伴以甜美的小番茄同回甘火箭菜，好fresh好清新，係適合夏天嘅開胃菜。
Roasted Scallop 想濃味少少可以揀帶子，面層係48個月嘅黑毛豬火腿，滿滿鹹香味兼充滿油份，帶子鮮甜軟嫩，兩種唔同味道竟然好夾。
Hirame Flounder菜式賣相精緻，增加打卡度。魚肉味道鮮香，加上clam jus有提鮮作用，味道層次豐富。
Homemade Fettuccine 自家製嘅闊條麵果然唔同啲，口感紮實彈牙，仲有淡淡麵粉香，配搭新鮮羊肚菌，菌香四溢，加上帶芝士香氣嘅醬準，味濃卻不會過膩，食完仲好飽足。
餐廳勝在接近跑馬地果邊，所以較為清靜。裝潢用上灰藍調，營造寫意空間氛圍，加上玻璃窗引入陽光，成餐飯都食得好舒服。
張貼
