小念頭 (億利工業中心)

營業中

休息中

最近去咗小念頭下午茶，有部分食物都幾值得特別推介。首先，佢哋嘅鐵觀音芝士蛋糕。呢個蛋糕係以綿滑嘅鐵觀音茶mouse為基礎，同芝士蛋糕好夾，口感濃郁。每一口都帶住鮮明嘅茶香，蛋糕嘅質地亦好實淨。呢款甜點絕對係茶同芝士愛好者嘅不二之選。然後，就係佢哋嘅咖啡酒巴斯克燒芝士蛋糕。係濃郁、順滑嘅芝士口感。食多幾啖先至有酒香。流心做得好靚, 但我個人偏好實淨啲嘅口感。如果你想試下佢哋嘅主餐，我強烈推薦呢款牛舌芯定食。牛舌整得好嫩滑，入口即軟身得嚟有焦香。而配料方面，除咗湯、蛋同潰物，仲有好多豐富嘅配菜。汁料嘅味道非常濃郁，為整道菜帶嚟更多層次嘅風味。呢款牛舌心定食唔止色香味俱全，份量亦十足，絕對可以滿足你嘅味蕾同胃口。至於茶嘅選擇，小念頭都有好多款。我朋友叫咗東方美人同桂圓杞子茶。而我就揀咗一杯特別嘅黑杞子桑葚蜜茶，味道係桑子嘅甜。呢杯茶唔止香甜，仲有滋補功效，係一個好特別嘅選擇。小念頭環境尚算舒適, 茶嘅選擇都令成個體驗愉快。