影片
更多
2022-12-05
879 瀏覽
槪覽：用心製作、用料充足。份量夠飽。價錢唔算好平，但足料令人冇投訴。首先講湯底，頭啖湯胡椒味係好出，再飲落就唔夠第一啖咁特出，味蕾會習慣味道。湯係幾濃厚，不過連埋料放喺個煲仔度，實在唔算好多湯水飲，湯怪嚟到食個餐未必會止得到湯癮。整體評個湯底，都係正面嘅。花膠：全煲湯中只搵到3小片花膠，質感軟滑。如果店方提供豉油/辣椒豉油供蘸用，可能花膠會更好食。雞肉：相信 serve 嘅雞件全部用過嚟熬湯，所以質地講唔上嫩滑，但又未至於鞋口，算係仲合格當餸食。要 highlight 雞脾同雞翼（一個餐中雞脾同雞翼各一）係特別香同滑，係特別好味！雞件全部連皮，啲皮都幾厚，可以想像，落埋呢啲厚雞皮熬湯，一定滲唔少雞油落個湯度。客飲湯時，個湯則係清嘅，少油份，店方應該花唔少心機煮湯時「片」走多餘雞油，淨係呢個步驟都功夫不少！除咗 item 名列明嘅材料花膠、豬肚同埋雞之外，更有茹菌（原條&切片最少兩類唔同嘅茹）、兩粒貢丸同豆腐。不得不提，貢丸味道好好，好多肉汁同香菇味，質感彈牙，好好送飯！豆腐亦係估唔到咁驚豔！豆腐軟滑到有日本高級豆腐或者處理得宜嘅燉蛋嘅質素！好可惜豆腐份量唔多，又切得太過細粒，實在唔太試
首先講湯底，頭啖湯胡椒味係好出，再飲落就唔夠第一啖咁特出，味蕾會習慣味道。湯係幾濃厚，不過連埋料放喺個煲仔度，實在唔算好多湯水飲，湯怪嚟到食個餐未必會止得到湯癮。整體評個湯底，都係正面嘅。
花膠：全煲湯中只搵到3小片花膠，質感軟滑。如果店方提供豉油/辣椒豉油供蘸用，可能花膠會更好食。
雞肉：相信 serve 嘅雞件全部用過嚟熬湯，所以質地講唔上嫩滑，但又未至於鞋口，算係仲合格當餸食。要 highlight 雞脾同雞翼（一個餐中雞脾同雞翼各一）係特別香同滑，係特別好味！雞件全部連皮，啲皮都幾厚，可以想像，落埋呢啲厚雞皮熬湯，一定滲唔少雞油落個湯度。客飲湯時，個湯則係清嘅，少油份，店方應該花唔少心機煮湯時「片」走多餘雞油，淨係呢個步驟都功夫不少！
除咗 item 名列明嘅材料花膠、豬肚同埋雞之外，更有茹菌（原條&切片最少兩類唔同嘅茹）、兩粒貢丸同豆腐。不得不提，貢丸味道好好，好多肉汁同香菇味，質感彈牙，好好送飯！豆腐亦係估唔到咁驚豔！豆腐軟滑到有日本高級豆腐或者處理得宜嘅燉蛋嘅質素！好可惜豆腐份量唔多，又切得太過細粒，實在唔太試得真佢味道如何/夠唔夠豆香味。但佢嘅質感係震憾到我忍唔住要向老闆娘請教究竟豆腐係何方神聖，點解咁好味！老闆娘話原來佢每次開鋪前都要親自去附近嘅瑞和街街市買豆腐。佢話佢幾經試驗，先發現而家用緊呢款豆腐係同一街市中最軟滑出色嘅。而呢間咁正嘅豆腐，係出自瑞和街街市嘅「魚肉太太」鋪頭（呢間鋪總之唔喺一樓，喺更高街市樓層。「魚肉太太」鋪頭名未查證，大家如有興趣，可以去瑞和街街市求證吓鋪頭名係咪真係「魚肉太太」，同埋啲豆腐係咪點煮都咁好味）。
題外話/補充資料：
套餐如本身配飯，轉配米粉另加$5；套餐本身配米粉轉配飯，則無需加錢。餐廳有少量鋪外位，無冷氣供應。聽到有客人欲冒險 order「暗黑料理」外賣，但老闆娘話賣晒。
(以上食評乃用戶個人意見 , 並不代表OpenRice之觀點。)
張貼
