部落美食 (已結業)

踏入春節，天氣卻如深冬，今日本來去深水埗整車，點知如本間車行，已經變左做今次食評的主角「部落美食」。。。橫點黎到，就食埋個晏價錢而言：$30起已經有三餸面以及台式飯。飲料：目前只有汽水小食：炸野為主，都係芝士流心配搭好！入正題！天氣凍加上開完車，想食暖野，就試左店主力推的撈面醬，三餸選左麻辣豬大腸、腩肉以及。。。黃金小皮蛋　（小弟見識少唔知咩黎）小食叫左芝心豬扒以及芝心炸雞翼（有大—４隻有小—２隻）。即叫即炸，預10分鐘左右。面的賣相唔太特別，但真心好鬼香！老闆話撈醬係每日自己炒，人手炒2-4粒鐘先起到貨，材料有麻醬、生抽以及辣醬，普通野但係用心做；加上我係點左寬薯粉，超索味！！！！配菜全部都好入味，車仔面嘅野，就唔特別講。黃金小皮蛋，細細粒，一啪即爆漿，同傳統皮蛋口感差唔多，但係就無咁腥。（好奇寶寶可以一試）芝心豬扒以及芝心雞翼，唔係話好特別，但係即叫即整即炸，切開仲係流心，呢下堅係有誠意。搞埋晒先$106，絕對抵玩，下次經過一定再黎。