花丸 (已結業)

我好鍾意食章魚小丸子，咁岩喺ig見到有fd去咗呢間可以自製章魚小丸子同埋大阪燒嘅餐廳，於是就決定去試試。枱上有指示卡教我地整小丸子同埋大阪燒，睇落唔算難，所以我地叫咗一份八爪魚🐙小丸燒同埋一份芥末腸仔小丸燒，豚肉大阪燒同埋一份炸雞炸雞要等15分鐘先上枱，因為係即炸嘅。等咗陣就有人送黎我地要嘅粉漿同埋其他材料，大概同我地講解咗個流程，我地就可以落手落腳整lu～一開始我地都整到雞手鴨腳，d工作人員見到我地咁笨都會主動過黎幫手，我地後來pick up到就開始整到似模似樣，我地影咗好多相打卡拍片，好有趣。食落都幾好味，大概因為係自己整掛。除咗大阪燒同埋小丸子，仲可以整炒麵，如果鍾意自己落手落腳整呢d小食嘅話可以黎試下，可以食可以玩可以打卡。