Pam's Cookies

營業中

休息中

去赤柱玩半日，之後係啲橫街小巷入面見到呢間舖頭。間舖除咗賣啲小飾物擺設之外，仲有賣自家製曲奇。老板娘好好人，好熱情咁叫我地試食曲奇餅。我試咗八隻味，綠茶，朱古力，咖啡，伯爵茶，原味，玫瑰味，胡椒味同莓味。味道可以任意配搭，可以一盒盒咁買，又可以幾塊幾塊咁買。試食完呢幾款之後，我覺得伯爵茶味同玫瑰味最好食，好鬆化。最特別係胡椒味，第一次見到曲奇餅有胡椒味，食落都好特別，有陣淡淡地鹹鹹地胡椒味，同牛油味好夾。雖然小本生意，但係都比得上其他出名牌子。黎到赤柱，可以去買幾塊黎試下。舖頭入門仲有好多好可愛嘅飾物！