Cafe Charm's (已結業)

Charm Cafe環境：👣👣👣食物：😋😋😋態度：😊😊😊😊性價比：👍👍👍2個下午茶餐加埋180蚊左右（已加15定18蚊轉宇治抹茶奶）環境方面，係蘋果商場內既一間餐廳，地方固然比較細，6-8張四人枱咁上下，落地玻璃窗見到密集唐樓天台，有特色既。食物：Earl grey用返Twinings，即刻放心左，起碼唔係副廠出。宇治抹茶奶聲稱用日本帶返黎既宇治抹茶沖，但感覺茶味唔太夠，奶味都唔重，整體比較平凡。雞扒配卡邦尼意粉，雞扒份量唔算少，唔會好似一pat仔鵝肝咁，醃過有少少香草味，但又唔會太鹹。意粉汁濃稠，緊貼意粉，做得ok既，煙肉唔會太鹹，ok啦。漢堡配薯條，粗薯條炸到外少少脆少少軟，內裡都軟綿既。漢堡肉成個獅子頭咁，醃過，不過我覺得個味有d怪，少許唔夾，同d肉偏瘦肉feel，要𡁻耐少少。態度方面，我唔想將格離無人張枱同我個張合併，因為岩岩格離玩腳同玩鼻c，店員都無逼我，由我。埋單都有問d野食點，態度ok既。佢近窗有2塊鏡，唔知係咪打卡前執樣呢。