新大壽日本料理店 (已結業)

引言︰富翁請客，緊係要出席。亮點︰自家製果酒，係吧枱上面，留意左成晚，有四款，最後試左三款。三款入面最正係拿破崙士多啤梨酒，甜度適中，唔算係偏甜果隻，果味清香，係值得一試的。山桃酒都ok，不過給拿破崙士多啤梨比下去。另一隻就係山士多啤梨酒，感覺係有酒精的藥水，我就真係覺得麻麻地。魚翅酒，係貼左係牆上面既推介，熱飲，燒個既關係帶點燶味，都幾唔錯。食物︰鯖魚箱壽司，係香港食過大阪同澄的，印象最好係澄，因為個飯實在出色。這裡飯鬆鬆的，不過面頭既鯖魚就好唔錯，至少食落覺得新鮮。吞拿魚腩蔥卷，普通，印象中一番的做得更好。網燒牛扒，燒功唔錯，薄薄一片，好食的。油金魚頭，最基本的夠肥美夠嫩滑都食到，無投訴既地方。汁燒魷魚筒，魷魚夠軟身，唔會燒到乾哂，穩陣野。雞泡魚肝，佐酒之選。雞腎，夠爽，唔錯。燒雞翼，燒得唔夠脆身，係大路之選。汁煮花螺，味道普通。枝豆，無野好講。服務&環境︰- 服務正常- 冷氣唔夠抵食度︰見仁見智總結︰有自家釀製果汁，好此物真係要試試。