影片
更多
2008-02-16
24 瀏覽
我相信好多外來既人黎左茶餐廳之後,一定會記得佢地既麵餐係好難食,當然,我食左廿年,我一直都覺得佢地既麵係的確麻麻...不過醉翁之意不在酒,我食左呢間野廿年,我基本上一個月既早餐,lunch,到晚餐我仲多過係屋企食,因為我地全家都同入面既伙計/老闆好fd...前幾年,茶餐廳有三寶,明哥,才哥,強哥,明哥同才哥係兩兄弟,佢地整既奶茶絕對係no.1,我到依家搬左去西環住,我都再飲唔到,亦搵唔到佢地既味道,至於強哥,就出名整多士,之後,才哥因為係廚房一次跌倒,令到佢既身體唔能再係廚房工作被逼退出,之後就請左個廚房-尹佬,呢個人當初唔識佢,就唔多出聲,一識落,非常好人,每次嗌麵餐或者三文治,食食下,發現左入面加左好多冇叫既野,得閒就兩三塊火腿,有時就腸仔,有時就午餐肉,佢地係想人食得開心,而唔係做又三十六,唔做又三十六個隻...至於依家,強哥同明哥都已經去左老闆旗下第二個分店做lu,而不嬲做開樓面既四眼仔,亦入左去水吧,同尹佬繼續做,當然,奶茶已經冇當年咁出色,但係,一份人情味,無論佢當年有冇裝修,年廿八清潔完之後好快俾人整污糟晒,d麵幾咁難食都好,我鐘意既,除左杯凍奶茶,就係一入到去,個個都會
前幾年,茶餐廳有三寶,明哥,才哥,強哥,明哥同才哥係兩兄弟,佢地整既奶茶絕對係no.1,我到依家搬左去西環住,我都再飲唔到,亦搵唔到佢地既味道,至於強哥,就出名整多士,之後,才哥因為係廚房一次跌倒,令到佢既身體唔能再係廚房工作被逼退出,之後就請左個廚房-尹佬,呢個人當初唔識佢,就唔多出聲,一識落,非常好人,每次嗌麵餐或者三文治,食食下,發現左入面加左好多冇叫既野,得閒就兩三塊火腿,有時就腸仔,有時就午餐肉,佢地係想人食得開心,而唔係做又三十六,唔做又三十六個隻...
至於依家,強哥同明哥都已經去左老闆旗下第二個分店做lu,而不嬲做開樓面既四眼仔,亦入左去水吧,同尹佬繼續做,當然,奶茶已經冇當年咁出色,但係,一份人情味,無論佢當年有冇裝修,年廿八清潔完之後好快俾人整污糟晒,d麵幾咁難食都好,我鐘意既,除左杯凍奶茶,就係一入到去,個個都會笑笑口,講下笑,傾下偈既感覺....呢d,先係港式茶餐廳...
p.s佢地每到賽馬日,每場馬一起跑樓面,廚房,清潔永遠都俾人點左穴,個個乜都唔做,停晒手,呆晒咁...haha,不過一完左就變回原狀....
佢地既熱狗,鮮油多,蛋撻都非常之好,想另類既,可以試下煎蛋多士,佢冇寫係menu度架,因為係我地諗出黎,不過你諗得到,就可以隨便叫架啦@@
張貼