影片
更多
2023-04-01
383 瀏覽
今日一行四人， 出動吃喝玩樂， 唱完k， 就輪到搵食時段。 小叔提議而家冇得去日本旅行，不如就食大阪燒同埋廣島燒 。真係好提議 ，因為我未食過 。嚟到呢間好有日本feel嘅餐廳， 道頓崛， 個餐廳名都幾難讀， 不過啲食物就幾特別， 畀一堆生嘅食物畀你，自己整熟佢，然後加鹽加醋， 加自己鍾意嘅調料 ，炒來炒去， 炒到熟就可以食，真係幾好玩 。有張圖教你按圖索驥， 整出嚟嘅效果都幾好 ，估唔到我同妯娌兩個好合拍 ，夾手夾腳整咗一餐 ，畀兩位男士食， 覺得好好玩 。我哋揀咗一個大阪燒， 一個廣島燒， 仲有啲蔬菜同肉， 個大阪燒就簡單啲， 因為份量少，比較容易搞， 入面有啲海鮮，有啲椰菜， 仲有麵糊，跟住我哋加咗啲海苔 ，再加啲鹽 ，再加啲魚粉 ，整出嚟就係一個煎餅咁嘅樣 ，香香地， 個賣相都唔係太醜怪 。輪到廣島燒就論盡啲啦 ，因為比較多嘢， 有一大堆牙菜同椰菜 ，又要炒麵又要煎蛋 ，我哋兩個玩到雞手鴨腳 ，不過最終都搞掂 。最少係煮熟曬所有嘢， 呢一餐食得好搞笑， 埋單只係三百幾蚊，因為有人有coupon減咗百五蚊， 真係抵食。原來自己動手豐衣足食嘅感覺係幾開心嘅。今餐係娛樂性豐富，味道就
15 瀏覽
0 讚好
0 留言
今日一行四人， 出動吃喝玩樂， 唱完k， 就輪到搵食時段。 小叔提議而家冇得去日本旅行，不如就食大阪燒同埋廣島燒 。真係好提議 ，因為我未食過 。
嚟到呢間好有日本feel嘅餐廳， 道頓崛， 個餐廳名都幾難讀， 不過啲食物就幾特別， 畀一堆生嘅食物畀你，自己整熟佢，然後加鹽加醋， 加自己鍾意嘅調料 ，炒來炒去， 炒到熟就可以食，真係幾好玩 。有張圖教你按圖索驥， 整出嚟嘅效果都幾好 ，估唔到我同妯娌兩個好合拍 ，夾手夾腳整咗一餐 ，畀兩位男士食， 覺得好好玩 。
我哋揀咗一個大阪燒， 一個廣島燒， 仲有啲蔬菜同肉， 個大阪燒就簡單啲， 因為份量少，比較容易搞， 入面有啲海鮮，有啲椰菜， 仲有麵糊，跟住我哋加咗啲海苔 ，再加啲鹽 ，再加啲魚粉 ，整出嚟就係一個煎餅咁嘅樣 ，香香地， 個賣相都唔係太醜怪 。
輪到廣島燒就論盡啲啦 ，因為比較多嘢， 有一大堆牙菜同椰菜 ，又要炒麵又要煎蛋 ，我哋兩個玩到雞手鴨腳 ，不過最終都搞掂 。
最少係煮熟曬所有嘢， 呢一餐食得好搞笑， 埋單只係三百幾蚊，因為有人有coupon減咗百五蚊， 真係抵食。原來自己動手豐衣足食嘅感覺係幾開心嘅。
今餐係娛樂性豐富，味道就普通。
張貼
