腸粉皇后

營業中

休息中

原本想食ET鹽水雞，點知撞正落場，怱忙下响附近是但搵間買外賣。見呢間舖外表正常，隔離兩間主打炸嘢，就試呢間。叫咗腸粉+ 四餸(牛柏葉、雞腎、牛肚、粉果)太趕時間無影相，但可以想像吓：腸粉墊底，見到上面有甜醬辣醬，腎肚柏葉勁深鹵水色舖面仲有鹵水浸住一半，墊底呢堆嘢打成一片咁，兩個粉果砸住部份腸粉。先食腸粉，起角嘅，少少硬，蒸唔透咁嘅口感，但應該係微波爐叮嘅。中間嗰堆鹵嘢，正常發揮，唔突出亦唔難食。兩個粉果真係嚇親，睇落正正常常，一咬個頂，硬到𠼱唔切，擺明係叮出嚟，但原來連叮都唔識叮🙄。咁就用咗$41…我好肯定，去7仔/OK熟食檔買，甚至係叮叮點心嘅腸粉同粉果都好食過佢。