影片
更多
2021-09-17
18 瀏覽
無得去旅行就周圍搵下唔同國家的食物試，有朋友介紹西環有好正的一口沙嗲，家傳馬來西亞秘方，又無防腐劑同味精，就去試下有幾正宗先！佢有四款分別係牛豬雞羊，每盒有12串，每一串的肉都係細細舊，賣10盒就送一個串焼專用電爐，電爐的SIZE好啱兩口子用，見黎緊去朋友到開中秋PARTY，去之前當然要自己玩咗先啦！電爐要先預熱，唔好期望啲串焼會好快熟，都要焼5分鐘，焼的時候要時不時返下，唔係會好易燶。1. 牛味香濃，有少許筋，口感煙韌。2.覺得豬肉醃得係最嫩滑，焼得耐都唔會柴，佢個醃料都好夠味。3.雞算係串焼入面最穩陣，很爽口，調味係四種之中最濃的。4.羊算係最驚喜的，我好怕羊騷味，但佢嘅醃料調得啱啱好減淡羊騷味，兩者配合得非常好。隨串焼附上原味及香辣花生醬，建議在臨食之前搽上肉面，焼多一陣更野味！包裝後面都有介紹烹調方法，除電爐之外仲可以用氣炸鍋、平底鍋，平底鍋可能用明火的關係，好快熟，本身串焼的醃料有糖，所以較易燶，電爐比較容易控制。另外電爐下層有兩個小托盤，我地放咗包，烘完之後可以夾串焼食，加咗蛋又可以點蛋汁，唔洗淨係食肉咁單調。整體來講，可以在屋企食到新加坡沙嗲街的味道，雖然不及當地的火候，
佢有四款分別係牛豬雞羊，每盒有12串，每一串的肉都係細細舊，賣10盒就送一個串焼專用電爐，電爐的SIZE好啱兩口子用，見黎緊去朋友到開中秋PARTY，去之前當然要自己玩咗先啦！
電爐要先預熱，唔好期望啲串焼會好快熟，都要焼5分鐘，焼的時候要時不時返下，唔係會好易燶。
1. 牛味香濃，有少許筋，口感煙韌。
2.覺得豬肉醃得係最嫩滑，焼得耐都唔會柴，佢個醃料都好夠味。
3.雞算係串焼入面最穩陣，很爽口，調味係四種之中最濃的。
4.羊算係最驚喜的，我好怕羊騷味，但佢嘅醃料調得啱啱好減淡羊騷味，兩者配合得非常好。
隨串焼附上原味及香辣花生醬，建議在臨食之前搽上肉面，焼多一陣更野味！
包裝後面都有介紹烹調方法，除電爐之外仲可以用氣炸鍋、平底鍋，平底鍋可能用明火的關係，好快熟，本身串焼的醃料有糖，所以較易燶，電爐比較容易控制。
另外電爐下層有兩個小托盤，我地放咗包，烘完之後可以夾串焼食，加咗蛋又可以點蛋汁，唔洗淨係食肉咁單調。
整體來講，可以在屋企食到新加坡沙嗲街的味道，雖然不及當地的火候，但有呢個完成度，真係好值得一試。一班人開串焼PARTY真係好正！
張貼
