燒蝦蝦 (金福閣） (已結業)

今日嚟到元朗燒蝦蝦， 係除咗傳統放題， 一個有得玩有得食嘅任食地方。我哋一坐低店員就喺後面嘅水池即刻放咗一大堆新鮮嘅大頭蝦入去，畀我哋自己捉黎燒。 有一個冰桶裝住啲冰水，將捉上黎嘅蝦放入冰筒等佢凍暈咗再燒就唔會彈到周圍都係， 個過程都幾好玩。任食區分海鮮類肉類蔬菜類同一d熟食，選擇都好豐富。 海鮮嘅種類都好多有生蠔， 花甲，魚，鮑魚，蟶子。肉類方面最推介嘅係佢嘅雞翼 ，我同朋友都覺得佢比一般放題食到嘅雞翼，大隻多肉。 我哋自己整咗兜芝士粟米，仲加咗d蒜蓉同牛油落去，正!整體食物質素唔差，蝦新鮮係佢嘅賣點，選擇亦都多元化， 價錢亦都唔算貴， 整體嚟講都推介