影片
更多
2010-08-25
84 瀏覽
星期一晚早放工，一心諗住陪男朋友食d野跟住走去做gym，最後食得太飽又太晏當然又無去。一直都好想試「傷心酸辣粉」奈何深水埗同旺角都少去，睇上一期飲食雜誌得知銅鑼灣會開分店，即時常來OpenRice睇下佢幾時開張，呵呵，原來上個星期日開左喇，我當然又要搵個機會黎試下啦。7點4左右黎到，無人等位，太好喇，是晚點左兩個餐︰酸辣粉(小辣) + 口水雞 + 熱薑蜜涼拌雞絲麵(小辣) + 夫妻肺片(小辣) + 凍檸樂蒜泥白肉口水雞先到，點菜的時候先知原來除左酸辣粉之外，其他菜式都可以選擇辣度，真體貼。例牌size的口水雞浸滿紅色的辣油，個樣好似好辣，食一口又唔算，不過就無雞味可言。夫妻肺片男友都係要左個小辣版，份量細小，全部都切得薄薄地，容易入口。勉強食得到鹵水味，而且都幾辣。蒜泥白肉係唯一一個唔算辣的菜式，我仲覺得好甜。雖然面頭有好多蒜泥不過好彩食落又唔算好誇張，如果唔係會好口臭架。豬肉片一d都唔肥，但無爽脆的口感。涼拌雞絲麵(小辣)係男友的麵食，個樣又係無殺傷力，但我地加埋其他辣野一齊食，開始覺得有少少辛苦。個涼拌雞絲麵的麵質唔錯，幾乾身，其他就無咩特別。我個酸辣粉呢，從之前的食評得知BB辣都
一直都好想試「傷心酸辣粉」奈何深水埗同旺角都少去，睇上一期飲食雜誌得知銅鑼灣會開分店，即時常來OpenRice睇下佢幾時開張，呵呵，原來上個星期日開左喇，我當然又要搵個機會黎試下啦。
7點4左右黎到，無人等位，太好喇，是晚點左兩個餐︰
酸辣粉(小辣) + 口水雞 + 熱薑蜜
涼拌雞絲麵(小辣) + 夫妻肺片(小辣) + 凍檸樂
蒜泥白肉
口水雞先到，點菜的時候先知原來除左酸辣粉之外，其他菜式都可以選擇辣度，真體貼。例牌size的口水雞浸滿紅色的辣油，個樣好似好辣，食一口又唔算，不過就無雞味可言。
夫妻肺片男友都係要左個小辣版，份量細小，全部都切得薄薄地，容易入口。勉強食得到鹵水味，而且都幾辣。
蒜泥白肉係唯一一個唔算辣的菜式，我仲覺得好甜。雖然面頭有好多蒜泥不過好彩食落又唔算好
誇張，如果唔係會好口臭架。豬肉片一d都唔肥，但無爽脆的口感。
涼拌雞絲麵(小辣)係男友的麵食，個樣又係無殺傷力，但我地加埋其他辣野一齊食，開始覺得有少少辛苦。個涼拌雞絲麵的麵質唔錯，幾乾身，其他就無咩特別。
我個酸辣粉呢，從之前的食評得知BB辣都唔係好辣，所以自己要左小辣，味道其實唔錯，睇上去又係無咩殺傷力因為唔似其他菜色咁多辣油。我略嫌薯粉煮得過淋，少左份煙韌的嚼勁，上次去美食展試左間立食的酸辣粉，質素反而仲出色。
我的經驗係「小辣」其實一般人都食到，只不過當同一時間食多款「小辣」的菜色就會有d頂唔順，我仲攪笑，叫左杯熱薑蜜，又熱又辣，真係捉蟲，下次自己要醒目d！
總括黎講「傷心酸辣粉」係值得一試既，但我又好相信出面仲有好多街坊小店所做的四川或重慶菜會比佢更出色，如果你突然興起想食辣野又唔知邊度有隱世小鋪，「傷心酸辣粉」應該滿足到你。
呀，有一個小觀察就係，佢無提供開水或茶，好明顯要你食到辣就要俾錢叫野飲，其實可唔可以大方一d呢？
張貼
