野郎Stone Ya Rou Stone

營業中

休息中

轉咗喺北角返工都有一段時間，今日有同事講起先知原來公司附近有一田百貨，咁啱佢今晚嚟北角滙買嘢順便帶我熟悉附近嘅環境！落到嚟一田發覺有好多間餐廳，遠處已經聞到野郎蒸發出嘅香氣，而且餐廳人頭湧湧令我哋相信食物應該唔錯😋因為餐廳嘅吧枱已經滿座，我哋唯有坐喺附近嘅自助位置度食😂翼板係平時喺外面比較罕見嘅部位，身為牛魔王嘅我決定試一試！翼板屬牛肩胛位，油脂均勻肉質軟嫩，因為熟度係由自己控制嘅，我試咗唔同嘅熟度，覺得大概五分熟係最好食嘅，食落牛味重又有豐富肉汁❤️同事本身唔食牛肉所以揀咗西班牙產黑豚肉，佢分咗少少俾我試！因為係豬肉所以就會燒到全熟感覺上比較安全，食落無豬臊味之餘口感爽彈有嚼勁，肉質鮮甜邊位燒到好焦香👍🏻因為黑豚肉油份高，所以要小心唔好俾喺石板上嘅油彈親！除咗肉好食，呢度嘅白飯同薯蓉都好食，白飯粒粒分明有米香好食到我成碗食晒🤭🤭