道頓堀御好燒專門店 (荃灣廣場) (已結業)

次次經過都好多人，今日8點半經過只見幾個人等，所以就試下，最後等左半個鐘左右。年糕芝士從來都係我嘅最愛，同埋都係正常野，唔會中伏，所以就點左，份量偏小。跟着指示做，唔太難，不過第一次做， 個效果一點也不美，食落係好味嘅，不過完全無芝士年糕的感覺。醬汁亦比較鹹。泡菜魷魚無乜特別，就係泡菜加上魷魚，不過味道唔錯。肉類炒麵，肉的份量非常少，只得幾小塊，有點失望，配上跟麵的汁，味道很夾。最後叫上甜品，職員會幫忙將鐵板清潔，很細心。Pancake性價比比較高，因為平常的pancake價錢都差不多，今次可以自己燒，所以感覺幾唔錯。呢個pancake係值得推介，味道很好，質地軟身，又簡單易做，不過跟足指示6分鐘，都有點不夠熟。有個溫馨提示，醬汁不要落太多，因為都偏鹹。