小草十八怪石鍋米線 (已結業)

想嚟呢度食好耐，係米線關注組提及嘅呢間餐廳，sell熱辣辣嘅石頭鍋米線。見咁近旺角地鐵站，就偷少少時間食個Lunch。佢哋石鍋米線有7款湯選擇。除咗沙嗲、麻辣湯，酸菜魚湯，呢啲一般口味，亦有肉骨茶、蟹皇湯、火腿瑤柱骨湯。配料可以揀3、6或者9款料，再用熱湯同石鍋煮熟配料食。我今次就試咗蟹皇湯，真係有啲蟹肉喺度。鯛魚片、封門柳、墨魚頭我都推薦。另外叫咗兩個小食椒麻蝦膠腐皮卷及蝦膠釀豆卜兩個都好脆好好食，可以點返佢哋嘅汁或者浸落湯嗰度一齊食都好正。佢哋仲有大大杯特飲，我就叫咗一杯大檸茶，一隻手都捉唔晒個杯，食炸嘢一定要飲多啲嘢