影片
更多
2020-08-03
149 瀏覽
由於疫情嚴重， 依家只能購買外賣，咁對於我呢啲最憎煮飯嘅人，咁就睇下邊度仲有得食 ，見到公司附近呢一間富臨做緊48折外賣優惠，咁我就試下啦。而我叫咗以下:北菇海參扣鵝掌煲 呢個北菇海參鵝掌煲，其實你睇佢雖然個飯盒細細，但其實佢都畀足料。 而我最欣賞就係海參，佢都好細心切細細粒方便食，而且個鵝掌亦都炆得好冧同好滑。 用埋佢個淆製嘅汁送飯就真係一流。梅菜扣肉煲： 其實呢一個梅菜扣肉係我自己最鍾意食嘅餸之一， 因為真係由細食到大， 富臨有呢一度菜咁我就試下，咁其實呢一度菜我覺得都冇令我失望，因為佢煮到啲扣肉都炆得好冧，而且啲梅菜可以送到飯，個汁都幾好食，所以自己本人覺得唔錯，其實如果有堂食嘅話，建議喺嗰度食堂食。 因為有個煲熱辣辣咁食， 更加滋味。瑤柱蛋白炒飯： 當然啦叫咗兩個咁好嘅餸，就一定要嗌返個飯嚟食，咁其實呢個炒飯我覺得真係抄得唔錯，而最主要嘅就係師傅將個飯完全塞滿曬落個飯盒度，所以其實呢一個炒飯我覺得真係可以足夠兩個或三個人食 而且真係唔錯，炒到個飯都幾乾爽， 所以大家可以試下呢度嘅炒飯。最後其實我覺得呢間富臨做緊嘅優惠真係幾抵食， 因為其實如果喺屋企煮都可能差唔多呢個價錢， 所以
北菇海參扣鵝掌煲 呢個北菇海參鵝掌煲，其實你睇佢雖然個飯盒細細，但其實佢都畀足料。 而我最欣賞就係海參，佢都好細心切細細粒方便食，而且個鵝掌亦都炆得好冧同好滑。 用埋佢個淆製嘅汁送飯就真係一流。
梅菜扣肉煲： 其實呢一個梅菜扣肉係我自己最鍾意食嘅餸之一， 因為真係由細食到大， 富臨有呢一度菜咁我就試下，咁其實呢一度菜我覺得都冇令我失望，因為佢煮到啲扣肉都炆得好冧，而且啲梅菜可以送到飯，個汁都幾好食，所以自己本人覺得唔錯，其實如果有堂食嘅話，建議喺嗰度食堂食。 因為有個煲熱辣辣咁食， 更加滋味。
瑤柱蛋白炒飯： 當然啦叫咗兩個咁好嘅餸，就一定要嗌返個飯嚟食，咁其實呢個炒飯我覺得真係抄得唔錯，而最主要嘅就係師傅將個飯完全塞滿曬落個飯盒度，所以其實呢一個炒飯我覺得真係可以足夠兩個或三個人食 而且真係唔錯，炒到個飯都幾乾爽， 所以大家可以試下呢度嘅炒飯。
最後其實我覺得呢間富臨做緊嘅優惠真係幾抵食， 因為其實如果喺屋企煮都可能差唔多呢個價錢， 所以如果大家想出去食下外賣，咁可以試下呢一間酒家， 因為疫情關係，其實點都要支持下一啲食店嘅。
張貼
