三ステーキ (已結業)

不嬲都鍾意食牛扒，朋友就約我去呢一間食牛扒嘅專門店度試吓，佢嘅特色係所有牛扒上枱嘅時候都只有一成熟，而牛扒會放喺一舊熱石上面，然後佢就會比刀叉你自己切開整都係一個自己喜歡嘅生熟程度。我哋叫咗牛柳同西冷牛扒，可以交換試吓肉質有咩分別，其實分別唔大。見到下面嗰兩張相，其實係啱啱上枱嘅時候嘅一成熟，因為我本身食開七成熟，我怕太生，所以我將佢切開晒一嚿嚿先，以免一陣舊石頭凍咗整唔熟。點知最後所有牛扒就變成傳送。呢個係一個幾好玩嘅經驗，但係自己控制生熟程度真係有啲難，玩完之後其實唔會再試。順帶一提，佢其實係一個套餐，前菜同埋湯都係任食，不過係佢將前菜枱上面見到嘅嘢都唔係好想食，因為唔係好新鮮，勉強不左一碗薯仔沙律，但係都非常之唔好食，湯亦都唔好飲。