洲際茶餐廳

營業中

休息中

平時入長洲食海鮮，通常都係叫餐， 好抵食但唔大件，淨係覺得平，啲蝦通常好細， 好似手指尾咁細， 唔好幻想餐可以食到蟶子王，仲有鮑魚可能都係大過5蚊銀少少。今日我地特登自己去街市買海鮮再拎去餐廳煮。豉椒炒蟶子，唔會炒得好老， 啲蟶子好彈牙。墨魚，白焯再點wasabi 豉油。 好鮮， 烚得岩岩好， 唔會太老。蒜蓉蒸開邊蝦，我地買左啲紅蝦， 唔係基圍蝦， 超香， 好甜，好掛住碟蝦。花螺， 我地用辣酒煮， 唔會太辣， 都幾香。鮑魚超大隻。 用果皮蒸，好正。煮5個餸 再加一個菜同飲品， 唔計海鮮， 600幾。