道頓堀御好燒專門店 (康怡廣場) (已結業)

呢間係尖沙咀已經開左好耐，次次都好多人排隊。見到康怡開左分店，仲要唔洗排隊！即刻衝入去食！見到餐單上面好多種大阪燒：文字燒、御好燒、廣島燒。分別應該都係大同小異。餐廳仲有炒麵、pancake等等實在是花多眼亂，最後揀左meau上話熱賣既道頓堀雜錦御好燒同教學牌上既奄列蛋包炒麵。上菜速度十分快，首先整左望落容易整d既雜錦御好燒。其實只要將材料撈勻，倒落塊pan到正反面煎5分鐘就搞掂。再diy落燒汁、沙律醬、木魚粉同埋紫菜粉就食得。食落去同平時食既章魚小丸子一樣味道，因為材料同醬汁都一樣，所以都幾好食！跟住就到奄列蛋包炒麵，首先炒左芽菜同其他配料，跟住再落麵去炒，然後係隔離整一個蛋皮，最後包住炒麵。我係fail既！因為照餐廳張紙上既教學係將蛋皮包住炒麵，但個炒麵份量大過個蛋皮好多，反一反就爛左，只怪我技術不夠！ 見到隔離台有服務員幫忙，原來係將蛋皮煎完就咁放上炒麵上面。炒麵麵質彈牙，配料都算多，但要提提大家炒麵既時候落調味汁落多d都唔怕，因為我落得太小，稍微唔夠味。整體黎講呢間餐廳又有得郁手互動下試下整野食，野食又幾好食，價錢又平，值得再去食啊！