稻八日式火鍋炸物放題 (已結業)

又搵到一間抵食既放題。係荃灣區的，對於我黎講都算好方便。而且店鋪空間感十足，坐位與坐位間有一定距離，感覺舒服唔逼夾。門口位置仲有一排特色許願牌。先講自助區，配料選擇方面，有多款丸類包括：（墨魚丸、龍蝦丸、爆醬豬肉丸等），蔬菜類包括：（油麥菜、蕃茄、南瓜等）全部比你任君選擇，食物擺放整齊乾淨衛生。 海鮮盛合，有北寄貝、蠔、螺、青口、帶子、蟹柳、魷魚同蝦🦐 呢個價錢黎講已經算好唔錯。而刺身方面都新鮮。至於牛黎講，選擇比較多，可以一次過食到唔同嘅部位。肉質鮮味，囗感十足。不過最特別同賣點之一，當然係自己炸自己想食既串燒啦，幾特別。最後食埋甜品，大満足😊