影片
更多
2019-11-27
3193 瀏覽
11月23日天赦日, 所以當日如素.中午就去咗旺角大自然食齋, 晚上八點被師妹約咗去堡壘街素食分子.我從未幫襯過素食分子, 亦無上網睇過佢D食評, 師妹幫襯過重話覺得唔錯, 所以叫埋我去, 但 sixth sense 話俾我知係另一套, 結果當然唔信唔信咪又出事囉!餐廳採用自助餐模式.優點:1) 餐廳環境清優, 乾淨企理.2) 天赦日而且星期六都唔洗等位.有待改善:1) 冷氣嚴重不足! 好焗!2) 要行條斜路先去到餐廳, 入到餐廳重要冷氣不足! 睇住客人要出動自備風扇都唔識做野! 唔通冷氣壞哂?3) 只係晚上8點, 菜式選擇已經唔多, 每款菜式更加好似剩餘物資, 無點新補菜式, 估計餐廳本身已經唔多客, 唔會推新菜式上枱吧.又或者..... 餐廳風格就是如此吧.....4) 凍飲得豆漿 only one 唯一選擇! 查實啤酒算唔算齋?5) 凍飲又好, 菜式又好, 味道偏淡, 如果你中意淡味, 哩個係優點.服務又多掂, 感覺唔到餐廳誠意, 口味又唔夾自己, 唔敢再幫襯咯.....sixth sense warn咗自己架啦.... 唉.....
中午就去咗旺角大自然食齋, 晚上八點被師妹約咗去堡壘街素食分子.
我從未幫襯過素食分子, 亦無上網睇過佢D食評, 師妹幫襯過重話覺得唔錯, 所以叫埋我去, 但 sixth sense 話俾我知係另一套, 結果當然唔信唔信咪又出事囉!
餐廳採用自助餐模式.
優點:
1) 餐廳環境清優, 乾淨企理.
2) 天赦日而且星期六都唔洗等位.
有待改善:
1) 冷氣嚴重不足! 好焗!
2) 要行條斜路先去到餐廳, 入到餐廳重要冷氣不足! 睇住客人要出動自備風扇都唔識做野! 唔通冷氣壞哂?
3) 只係晚上8點, 菜式選擇已經唔多, 每款菜式更加好似剩餘物資, 無點新補菜式, 估計餐廳本身已經唔多客, 唔會推新菜式上枱吧.
又或者..... 餐廳風格就是如此吧.....
4) 凍飲得豆漿 only one 唯一選擇! 查實啤酒算唔算齋?
5) 凍飲又好, 菜式又好, 味道偏淡, 如果你中意淡味, 哩個係優點.
服務又多掂, 感覺唔到餐廳誠意, 口味又唔夾自己, 唔敢再幫襯咯.....
sixth sense warn咗自己架啦.... 唉.....
張貼
