名寶石餐廳

營業中

休息中

特意由火炭出花墟購買蘭花，見肚子有點餓，途經名寶石餐廳，見尚早，晚飯時間差不多，暫時又不用等位，一於一人自得其樂食過晚餐。睇餐牌精選套餐，我又出現選擇困難症，心大心細考慮食煎美國牛仔骨好，還是黑椒牛柳好，最終決定牛仔骨，貪佢份量少一點。餐湯永不變心，情有獨鍾懷舊羅宋湯，貪佢多什菜吃，永遠保持超水準，永不令顧客失望。餐包軟冧冧，塗上牛油，極之美味。主菜上枱，有點失望，望落去簿簿的牛仔骨失去光澤，太乾身，沒有一點肉汁，感覺廚師將牛仔骨放落熱油炸的烹調，肉質過熟。甜品有啫喱糖及芒果布甸選擇，識食嘅我同侍應講要布甸（多花奶）侍應即時反應知道我不是第一次幫襯，即時笑容都多點。期待下一次再光臨，精選套餐主菜製作好一點。