星巴克咖啡 (已結業)

今日公司早收工，又唔想禁快返屋企，於是去左荃灣愉景的starbucks飲咖啡，為今晚漫長既團年飯充電一下。叫左杯ice latte，奶味足夠，啡與奶的比例總算配合得到，飲第一啖都無咩問題，但再細飲時，唔知係咪因為當時煮啡既職員邊傾邊煮，煮啡煮過左時間關係，總覺會有d微苦帶燶的味…，而少了latte應有的香滑。令到這杯啡略有美中不足之處……環境方面，地方都唔錯，一邊聽音樂，一邊品啡，是其一個賣點，但座位方面略欠整潔，多個坐位台面仍有上一位客人的殘餘垃圾，當時職員大約四位，一人沖啡，一人沖茶，另外兩位…，不斷聊天，但沒理會店面清潔狀況，最後我要作為客人自己執干淨才能坐! 個人認為，這是另一個該店需改進之處。