Redhouse (已結業)

首先，如果你呢度食飯，女孩子要預半小時以上的時間來自拍，而且一定要book窗口位。呢度的窗口位嘅夜景實在太靚，自拍實在係一流。餐廳環境高級雅緻，非常適合情侶或者閨蜜談談天說說地。食物方面都係賣相非常精緻嘅中菜，我哋兩個女孩子食唔到太多，所以只係叫咗幾款share食。 粉紅色嘅蝦餃，賣相已經非常Girly, 口感軟滑，蝦肉爽、鮮、甜。另外，一定要讚下個叉燒，蜜汁叉燒賣相一百分，我本來唔喜愛吃燒味的，但係呢個叉燒我竟然食咗幾舊，軟綿綿的真係非常好吃😋。