唂咕

營業中

休息中

週末有咩好做，唔好跟人，試吓跟住個人步伐走入自己社區。分享下我嘅簡約週末。係灣仔買左兩杯朱古力，走過日月星街感受下藝術氣息，係池邊同白鴿對飲，企係長長扶手電梯自由放空，坐係太古廣場飲既時候，仲望到好靚既屋頂設計。一切都由呢間喺社區之中存在嘅可可飲品店開始。 🍖第一杯飲品，我揀咗薰衣草加70%朱古力，真係好鍾意嗰種香濃之中滲出淡淡既花香，走係街上面，正好開始入秋，就算飲熱嘢都覺得好舒服，而且更加令人感覺到放鬆嘅心情。彷彿白鴿都係因為咁樣而被吸引過嚟同我一齊飲嘢。 🍖另一杯係黑朱古力配全脂奶，朱古力嘅份量十足，但唔會苦，充滿可可味，而且牛奶打得好滑，入口嘅口感非常軟綿。但係又冇任何一丁點嘅人造甜味，系天然而且令人舒服嘅飲品。 唂咕呢個名其實係以前茶餐廳成日出現既朱古力飲品代名詞。主要就係可可粉加水，不過就會偏向苦澀，呢度嘅質素又點止唂咕咁簡單，但係呢個咁有情懷嘅名，配合呢個咁有情懷嘅社區，就真係好值得大家花一個週末嘅上午去感受一下。