8鍋臭臭鍋 (金巴利道) (已結業)

等咗咁耐等到頸都長，終於都凍啲，去完赤柱凍冰冰，就係諗住嚟食呢度嘅臭臭鍋，由於我太唔鍾意同人一齊share所以一人一鍋就啱晒我講下環境先，有少少聖誕佈置都幾有氣氛，環境算寬闊唔會話坐得好迫，最好就係店內竟然有廁所加分！不過重點梗係啲嘢食啦明明我同我朋友都諗住食臭臭鍋最後我就揀咗麻辣鍋佢就揀咗蒜蓉牛肉鍋。醬油方面幾充足， 可以跟住佢menu指示調校醬。主角麻辣鍋湯底香濃野味，topping 有我最鍾意嘅魚糕豬紅同埋泡面，冬天真係舔舔脷。食食下幾辣就叫咗杯蜜桃綠茶，真係有少甜到，衷心抵讚，事關對於正常餐廳飲品有時真係會甜到飲吾落🙈神奇嘅係我朋友個蒜蓉喎望落去白曬曬咁， 但個味道竟然一啲都唔啖，有好香濃既蒜蓉味，鍾意食蒜蓉嘅朋友一定要試吓！topping 相對健康啲，多啲蔬菜另外，可以揀配粉絲或者飯，我見到隔離枱個飯超大碗，不過嗰日我地去完芬蘭聖誕展食都有少少飽，所以就叫咗粉絲！