星願 居酒屋 (已結業)

今日返工有啲唔開心，決定收工食餐好滿足下自己😳唔使咁多，想食就叫，我今日仲叫左啲特別野，平時應該點都唔會叫架😅服務人員都好好，會主動講解下個餐牌介紹下食物。唔講咁多，直接去相😍😊燒蛋糕 🧁聽店員講，叫左黎食，又幾唔錯喎😳甜甜又熱辣辣又有炭燒香味。😊牛油果肥牛卷 ，平時通常係金菇，今次係牛油果，又幾正！😊玉子鰻魚燒，玉子同鰻魚真係絕配，點食都好味！😊日式燒饅頭，甜甜煉奶係重點。😊立魚柳刺身，顏色粉嫩粉嫩，刺身夠鮮，唔會話太凍難入口，好味道！食完精神哂，聽日又比心機返工啦😍