千房 (已結業)

今晚放工，同朋友行商場，見到依間食大阪燒嘅餐廳，因為好掛住日本的大阪燒，所以同朋友試一試。間餐廳都幾大，座位好闊落，門口掛著千房大阪燒的橫額。餐廳除咗有二人枱同四人枱之外，仲可以坐在bar枱，望著廚師整大阪燒。餐牌種類唔係太多。我地點咗一個特盛海鮮大阪燒$88，一個什錦日式炒麵$88同一客香脆鐵板餃子🥟。落單後，店員好貼心咁問：大阪燒你地想DIY定廚師整，咁我地當然揀咗DIY玩一玩。店員會附上材料同一個計時器。我地可以自己整啦。之後按住指示牌，step by step 整，就完成了。不過我地整個唔係幾靚。不過都叫好食。個大阪燒我地加咗大阪燒醬丶沙律醬丶日本紫菜碎同木魚片變得好濃味。同大阪燒好夾。而啲香脆鐵板餃子都好脆，皮薄，不過餡料實在太少。而餃子沾上醬油會較入味。什錦日式炒麵，都幾大份，自己可以炒幾下。啲炒麵都幾大條同彈牙，啲蝦大隻而爽脆，不過啲麵醬油味太濃所以有些許咸。有得食仲有得玩，係一次好好的晚餐體驗。仲有一點，餐廳係要加一服務費的。