影片
更多
2021-10-04
186 瀏覽
是咁的，有次去黑布街飲酒，發現對面呢間申子居酒屋都幾eye catching，暗暗記住了、收藏咗。發現該店原來早已被捧上神壇，仲開埋分店乜乜乜。睇相覺得吉列芝士千層豚肉好似好吸引。適逢朋友生日，相約食呢間。由BOOK位到當日6:00pm去到，由一入門口開始已經感覺良好。店員極有禮貌，兼且係有熱誠嗰隻，已經好耐冇去過一間服務咁好既餐廳。限時110分鐘清晰入座前講明。我入門口已經話我想慶祝朋友生日，店員即場記下名字，安排妥當，同我最近食的另一間K11 Musea餐廳有好大對比。當日全店晚飯分咗兩輪，全部坐滿，奉勸各位及早訂位。環境方面有兩層，下層吧檯，上層有兩張檯要除鞋，其餘有卡位同普通座位，是日獲分配普通座位。檯面有擺放酒精消毒搓手液，清潔度不俗。吉列蘋果豚肉卷($258）カツレツリンゴ豚肉巻雖然我內心念念不忘想食佢Signature 既三重芝士吉列千層豚肉，可惜朋友唔想食芝士，轉咗食蘋果。カツレツ即法文côtelette（英文Cutlet)最早追溯到日本明治時代，法式料理傳入日本後的「洋食」。我會形容佢係吉列炸版威靈頓豬，而入面用的係豚肉片而不是豬扒，食落口感都幾特別，配咗沙律醬同日式
發現該店原來早已被捧上神壇，仲開埋分店乜乜乜。睇相覺得吉列芝士千層豚肉好似好吸引。適逢朋友生日，相約食呢間。
由BOOK位到當日6:00pm去到，由一入門口開始已經感覺良好。店員極有禮貌，兼且係有熱誠嗰隻，已經好耐冇去過一間服務咁好既餐廳。
限時110分鐘清晰入座前講明。我入門口已經話我想慶祝朋友生日，店員即場記下名字，安排妥當，同我最近食的另一間K11 Musea餐廳有好大對比。當日全店晚飯分咗兩輪，全部坐滿，奉勸各位及早訂位。
環境方面有兩層，下層吧檯，上層有兩張檯要除鞋，其餘有卡位同普通座位，是日獲分配普通座位。檯面有擺放酒精消毒搓手液，清潔度不俗。
吉列蘋果豚肉卷($258）
カツレツリンゴ豚肉巻
吉列蘋果豚肉卷
9 瀏覽
0 讚好
0 留言
雖然我內心念念不忘想食佢Signature 既三重芝士吉列千層豚肉，可惜朋友唔想食芝士，轉咗食蘋果。カツレツ即法文côtelette（英文Cutlet)最早追溯到日本明治時代，法式料理傳入日本後的「洋食」。
吉列蘋果豚肉卷
5 瀏覽
0 讚好
0 留言
我會形容佢係吉列炸版威靈頓豬，而入面用的係豚肉片而不是豬扒，食落口感都幾特別，配咗沙律醬同日式豬扒汁兩款。
不過蘋果呢隻我覺得一般，首先個皮甩甩地，一夾即近乎散架。其次蘋果個味真係好似平時老麥啲蘋果批。
本身個豬肉有啲肥，炸完之後既豚肉比較油同滯，油饐味有小小重。我食咗兩塊已經感覺自己啪咗好多卡路里，好飽。由於製作需時，佢上枱前我已經食咗好多其他嘢，戰鬥力大減。建議叫呢個的話，其他餸唔好叫太多，同埋芝士點睇都應該會好食過蘋果。
海葡萄冰菜沙律($128)
海ぶどう氷野菜サラダ
海葡萄冰菜沙律
2 瀏覽
0 讚好
0 留言
我本身極鍾意食海葡萄同冰菜，一見到佢有呢個沙律，集齊兩項最愛，即時要食啦。海葡萄唔太飽滿，有啲乾癟，冇口爆的感覺，少少失望。冰菜OK新鮮爽口。醋微酸，醬不重手，有少少紅葱調味，清新開胃。整體黎講係好食既。
拖羅蓉脆米餅（＄88）
ネギトロライスクラッカ一
拖羅蓉脆米餅
2 瀏覽
0 讚好
0 留言
米餅有啲啲硬instead of 脆，面頭有三文魚子和香蔥，相當入味，軟淋淋嘅口感配合米餅其實ok，冇肥膩嘅感覺。當然份量喺比較細，價錢黎講比較貴。
生蠔($98/隻，此圖為兩隻份量$196)カキ
生蠔兩隻
4 瀏覽
0 讚好
0 留言
侍應推介當日special係生蠔，作為一個生蠔lover，瞬間就決定嗌黎試試，不過98蚊先得一隻又係有啲貴，上枱係好大隻好肥美。面頭撒咗啲花瓣同醬汁調味，食落都彈牙新鮮夠juicy。
海膽炒飯（＄198）
ウニチャ一ハン
海膽炒飯
17 瀏覽
0 讚好
0 留言
老老實實，個人黎講覺得一個海膽炒飯一般，首先海膽份量好細，加埋飛魚子其實都幾好小。其次炒得比較乾，米粒唔算飽滿好食。我唔推介。
極上鹽燒牛舌芯（＄118）
極上塩焼き牛タン
極上鹽燒牛舌芯
6 瀏覽
0 讚好
0 留言
份量唔多，但係燒得好好食，厚切既牛舌，中間係有彈性同juicy, 輕微咁調味一下已經好入味，牛味突出，出色。
雞翼（鹽燒） （＄40）
手羽肉（塩焼き）ー本
手羽肉（塩焼き）ー本
5 瀏覽
0 讚好
0 留言
我發現呢間野作為一間居酒屋，串燒同燒物既水準係非常好嘅。哩嗰雞翼燒到恰到好處，表皮係脆，但入面依然係嫩滑多汁且夠熱，好好味呀。
抹茶心太軟($78)
抹茶の溶岩ケ一キ
抹茶心太軟
12 瀏覽
0 讚好
0 留言
最後叫左甜品抹茶心太軟，如願以償地寫了Happy birthday ，雪糕奶味突出，心太軟個心流得勁快，配上一枝識噴火既蠟燭，令朋友面露歡顏，咁我就放心了，老懷安慰啊。感謝店員（小鮮肉們）嘅落力幫手＋影相。
總結
兩個人係冇飲酒冇食刺身嘅情況下，食左＄1214，貴係有少少貴啦。但係服務好好，親切友善得黎都幾有熱誠。題外話係其實我朋友遲咗廿分鐘，我齋坐咗咁耐阻住佢做生意，有啲唔好意思(汗)，但冇感受到店員俾任何壓力我。而且啲嘢食都算幾有特色，menu選擇豐富，我感覺有好多佢嘅招牌菜我係未嗌到，而且餐飯都食到開心，有機會應該都會再嚟多次，嗌多啲串燒同燒物。
張貼
